MICA DECORATIONS FRAGRANCE STICKS (200 ML) - ECCENTRIC JUNGLE

Mica Decorations hannar vandaða og nýstárlega innanhúsmuni, með það að leiðarljósi að heimilið er griðarstaður sem á að þjóna þörfum þeirra sem þar búa. Fyrirtækið vinnur með náttúruleg efni sem gjarnan eru endurnýtt í þágu umhverfisins. Í vöruúrvalinu má auðveldlega greina margvísleg þemu jógalífstílsins - svo sem flæðandi form, friðsæl smáatriði og lifandi plöntur.

Lyktnæmi er öflugt skilningarvit og ilmstráin frá Mica gera þér kleift að setja andrúmsloftið á heimilinu eftir eigin höfði. Híbýlailmur er góður valkostur í samanburði við kerti þegar kemur að stórum rýmum sem annars tæki langan tíma að fylla. Hið sama á við lítið notuð herbergi þar sem ekki tekur því að kveikja á ilmkerti í hvert skipti en þú vilt eigi að síður að lykti vel, t.d. baðherbegi og forstofur. Loks kemur híbýlailmur í veg fyrir eldhættu og skapar ekki reyk sem ertir viðkvæm lungu.

Ilmurinn Eccentric Jungle er ferskur en einnig sætur. Nánar um vöruna:

• Top note: Exotic Fruits
• Heart Notes: Violet Leaf and Pine
• Base Note: Moss, Tonka Beans and Patchouli

Ilmstráunum fylgir falleg flaska með 200ml af vökva, sem endist í að minnsta kosti 60 daga. Munið að snúa stráunum á hvolf með reglulegu millibili til þess að viðhalda ilminum.